बारा पिलुवाको एनसेल टावरमा आगजनी

पुस १६, हेटौडा – बाराको जितपुर सिमरा उपमहानगरपालिका वडा नम्बर १६ पिलुवास्थित एनसेल टावरमा आगजनी भएको छ ।

गएराति करिब सवा १० बजेतिर अज्ञात समूहले टावरमा आगजनी भएको प्रहरीले जानकारी दिएको छ । सो टावर सशस्त्र औद्योगिक सुरक्षा बलभन्दा करिब ३०० मिटर पूर्वमा पर्दछ ।

बारा प्रहरीले आगजनी कसले गरेको हो भन्ने नखुलेको र अनुसन्धान भइरहेको जनाएको छ । मंगलबार बेलुका नै चितवनको कालिका नगरपालिका–९ मिलनबजारमा रहेको एनसेलको टावरमा पनि आगजनी भएको थियो ।