क्रिकेटमा नेपालको वरियता क्रम यथावत

पुस ९, काठमाडौं – अन्तराष्ट्रिय क्रिकेट परिषद (आईसीसी) को एकदिवसीय वरियतामा नेपाल यथावत रहन सफल भएको छ । आईसीसीले सार्वजनिक गरेको नयाँ वरियतामा नेपाल यथावत रहदै १८ औं स्थानमा रहेको छ ।

अघिल्लो वरियतामा नेपाल एक स्थान घट्दै १८ औं स्थानमा झरेको थियो । नयाँ वरियतामा नेपालले १९ रेटिङ अंक पाएको छ । नेपाल भन्दा तल युएई र पपुवा न्युगिनी रहेको छ ।

नयाँ वरियतामा इंग्ल्यान्ड शीर्ष स्थानमा रहेको छ । यस्तै, दोस्रोमा भारत, तेस्रोमा न्युजिल्याण्ड, चौथोमा अस्ट्रेलिया र पाँचौ स्थानमा दक्षिण अफ्रिका रहेको छ । टी–ट्वान्टी वरियतामा भने नेपाल १२ औं स्थानमा रहेको छ ।