राष्ट्रिय भेट्रान्स कपमा हेटौँडा भेट्रान्स रातो र निलो विजयी

पुस ३, हेटौडा – हेटौंडामा जारी पाचौँ हेटौडा भेट्रान्स कप राष्ट्रिय एट ए साईड फुटबल प्रतियोगितामा हेटौँडा भेट्रान्स रातो र निलो विजयी भएको छ । बिहीबार कोल्वी भेट्रान्सलाई २–१ गोल अन्तरले पराजित गर्दै हेटौँडा भेट्रान्स रातोले विजयी सुरुवात गरेको हो ।

कोल्वीको तर्फबाट जर्सी नम्बर ७ का शिवचन्द्र चौधरीले एक गोल गर्दै टिमलाई अग्रता दिलाए पनि खेलको हेटौँडा भेट्रान्स रातोको तर्फबाट जर्सि नम्बर ८ का अनल आचार्यले गोल गर्दै बराबरीमा ल्याएका थिए । निकै प्रतिस्पर्धात्मक खेलको ३३ औँ मिनेटमा पुन हेटौडा भेट्रान्सको तर्फबाट अनल अर्चायले १ गोल थप गरेपछि हेटौडा भेट्रान्सले अग्रता लिएको थियो । खेलको म्यान अफ दि म्याच हेटौडा भेट्रान्सका अनल आचार्य घोषित भएका थिए ।

त्यस्तै, प्रतियोगिताको दोश्रो खेल हेटौँडा भेट्रान्स निलो र सुपर भेट्रान्सबीच भएको खेलमा हेटौँडा भेट्रान्स निलो बिजयी भएको छ । हेटौडा भेट्रान्स निलोको तर्फबाट कबिन सागामीले १ गोल गर्दै टिमलाई अग्रता दिएका थिए भने सुपर भेट्रान्सको तर्फबाट खेलको १८ औ मिनेटमा गोल फर्काउदै बराबरीमा ल्याएका थिए ।

हेटौडा भेट्रान्सको तर्फबाट जर्सी नम्बर ९ का संजय थापा र बिक्रम बिष्टले १-१ गोल गर्दै टिमलाई तिन एकको अन्तरमा बिजयी बनाएका    थिए ।