आजदेखि हेटौँडामा भेट्रान्स कप

पुस २, हेटौडा – प्रदेश ३ को मुकाम हेटौंडामा आजबाट पाचौ सस्करणको ‘ हेटौडा भेट्रान्स कप राष्ट्रिय’ ८ ए साईड फुटबल प्रतियोगिता हुदै छ ।

प्रतियोगितामा आयोजक हेटौंडा भेट्रान्स, हेटौंडा एलेभेन सहित बारा, चितवन, सर्लाही, रौतहट, नवलपरासी, पोखरा, काठमाडौं, बुटबलका विभिन्न १८ वटा भेट्रान्स क्लवले भाग लिने आयोजकले जनाएकोे छ ।

आज हुने देखि उदघाटन खेल लोकतान्त्रिक खेल मैदान (हुप्रा) मा हुनेछ । प्रतियोगितामा करिब १० लाख ३६ हजार रुपैंया खर्च लाग्ने आयोजकले अनुमान गरेको छ ।

प्रतियोगितामा प्रथम हुने समुहले नगद एक लाख ११ हजार एक सय ११ रुपैया तथा शिल्ड, द्धितिय हुने समूहले नगद ५० हजार पाँच सय ५५ रुपैया सहित शिल्ड, उत्कृष्ट खेलाडीले नगद २० हजार रुपैंया र सम्पूर्ण खेलमा म्यान अफ द म्याच हुनेले पनि नगद २० हजार रुपैया पुरस्कार प्राप्त गर्नेछन् ।