पाैडीकी गौरिकालाई कीर्तिमानी स्वर्ण

मंसिर १९, काठमाडौं – काठमाडौंमा जारी १३ औं दक्षिण एसियाली खेलकुद (साग) अन्तर्गत पौडीमा नेपालकी गौरिका सिंहले स्वर्ण पदक जितेकी छिन् ।

सातदोबाटो स्थित पौडी पोखरीमा बिहीबार महिला २०० मिटर फ्रिस्टाईलमा गौरिकाले स्वर्ण जितेकी हुन् । ओलम्पियन गौरिकाले २ मिनेट ०५.०६ सेकेण्डमा दुरी पुरा गरिन् ।

गौरिकाले जितेको यो स्वर्ण पौडीको व्यक्तिगत तर्फ नेपालकाे पहिलाे स्वर्ण हो । यसअघि नेपालले टिम इभेन्टमा मात्र स्वर्ण जितेको छ ।

महिला २ सय मिटर फ्रिस्टाईलमा भारतले रजत र बंगलादेशले कास्य जितेको छ । महिलाको २०० ब्रेस्टस्ट्रोकमा नेपालकी डुवना लामाले रजत जितेकी छिन् ।