बंगलादेशमाथि १-० को गोल अन्तरले भुटानको जित

 

मंसिर १६, काठमाडौँ – १३ औँ दक्षिण एसियाली खेलकुद (साग) अन्तर्गत फुटबलमा भुटानले बंगादेशमाथि ऐतिहासिक जित निकालेको छ । आज दशरथ रंगशालमा भएको खेलमा भुटानले बंगलादेशमाथि १–० गोल अन्तरको जित निकालेको हो । पहिलो हाफमा गोलरहित बराबरी सकिएको खेलमा भुटानले दोस्रो हाफको ६४ औँ मिनेटमा गोल गरेको हो ।

दोस्रो हाफमा भुटानले बंगलादेशमाथि दबाब कायम ग¥यो । उसले लगातार पोस्ट अट्याकिङ खेलेको थियो । तर गोल भने थप्न सकेन । ब‌ंगलादेशले इन्जुरी टाइममा पाएको सुनाैलाे अवसरलाई गाेलमा परिणत गर्न चुक्दा भुटान सँग हार्न पुग्याे । यसअघि भुटानले बंगलादेशमाथि एक पटक जित निकालेको छ ।

सन् २०१६ मा भएको एएफसी एसिया कपमा उसले बंगलादेशलाई ३–१ गोल अन्तरले पराजित गरेको थियो । यसभन्दा अघि र पछि भएका खेलमा भने भुटानले जित निकाल्न सकेको थिएन ।