‘अध्यक्ष कप फुटबल’को उपाधि, ललितपुरको सशक्तीकरण युवा क्लबले जित्यो
तामसालिङ खबर
कार्तिक ५, ललितपुर – ललितपुरको वाग्मती गाउँपालिकामा आयोजना भएको गाउँपालिका अध्यक्ष कप फुटबलको उपाधि सशक्तीकरण युवा क्लबले हात पारेको छ ।
सोमबार भएको फाइनलमा मकवानपुरको बकैया गाउँपालिका ९ च्याउँच्याउँको एकता बेण्ड क्लबलाई हराउँदै सशक्तीकरण उपाधि जित्न सफल भएको हो ।
गत असोज २९ देखि बागमती खेलकुद विकास समितिको आयोजना र गाउँपालिकाको आर्थिक सहयोगमा भएको प्रतियोगितामा बकैया १० को ठाकुर स्पोर्ट्स क्लब तेस्रो भयो ।
वाग्मती गाउँपालिका ७ , गिम्दीको वसन्त युवा क्लब चौथो भयो । प्रतियोगितामा प्रथमलाई १ लाख, दोस्रोलाई ५० हजार र सन्त्वाना दुई टिमलाई २०/२० हजार रुपैयाँ नगदसहित शिल्ड, मेडल र प्रमाणपत्र, कदरपत्र, चिनो प्रदान गरिएको छ ।
गाउँपालिकाका अध्यक्ष वीरबहादुर लोप्चनले जिल्ला, राष्ट्रिय तथा अन्तराष्ट्रिय रुपमा समेत फूटबल खेल्न सक्ने खुबी भएका, नाम चलेका खेलाडी तथा दर्जनौं क्लबहरुहरुको सहभागितामा प्रतियोगिता सफलतापूर्वक सम्पन्न हुनु बागमती गाउँपालिका गौरवको विषय रहेको बताए ।
यो पनि पढ्नुहोस्
