मनहरीमा रनिङ शिल्ड भलिबल प्रतियोगिता हुने

असोज २७, हेटौडा (मनहरी) – पश्चिम मकवनपुरको मनहरी गाउँपालिका वडा नम्बर ७ रमन्टारमा दिपावलीको अवसरमा क्षेत्रिय स्तरको मनहरी रनिङ शिल्ड भलिबल प्रतियोगिता हुने भएको छ ।

रमन्टार युवा क्लबको आयोजनामा हुने प्रतियोगिता रमन्टारको गुम्बा डाडामा रहेृको चौरमा कार्तिक ४ गते देखि ७ गते सम्म सञ्चालन हुने क्लबका अध्यक्ष राजेश मुक्तानले बताउनु भयो ।

प्रतियोगितामा प्रथम हुने टिमले ३० हजार रुपिया नगद , रनिङ शिल्ड ,मेडल, दोस्रो हुने टिमले नगद १५ हजार रुपिया, तेस्रो हुनेले १० हजार नगद तथा सान्त्वना हुने टिमले ५ हजार नगद तथा शिल्ड प्रमाण पत्र र मेडल, प्राप्त गर्ने आयोजकले जनाएको छ ।

प्रतियोगितमा सहभागिता जनाउन कार्तिक ३ गते भित्र टिम दर्ता गराइ सक्नु पर्ने आयोजकले जनाएको छ ।