विश्वकप छनोट खेलमा आज नेपाल अस्ट्रेलिया संग प्रतिष्पर्धा गर्दै
तामसालिङ खबर
असोज २३, काठमाडाैँ – विश्वकप फुटबलको दोस्रो चरण तथा एशियाली छनोटमा नेपालको राष्ट्रिय फुटबल टिमले आज अष्ट्रेलिया सँग प्रतिस्पर्धा गर्दैछ । अष्ट्रेलियाको जियो स्टेडियम क्यानबेरामा हुने खेल नेपाली समय अनुसार दिउँसो पौने ३ बजे सुरु हुनेछ ।
विश्वकप फुटबलमा लगातार सहभागिता जनाउँदै आएको अष्ट्रेलिया सँग नेपाली फुटबल टिमले छनोटको तेस्रो खेल खेल्न लागेको हो । अष्ट्रेलिया वरियताको ४४ औँ स्थानमा छ । नेपाल १६१ औँ स्थानमा छ । युरोपेली क्लब फुटबलकाे शीर्ष डिभिजनको लिगमा अभ्यस्त खेलाडी सहित घरेलु टोली मैदानमा उत्रिँदै छ ।
छनोटको तयारीका लागि नेपाली टिम हप्ता दिन अघिनै सिड्नी पुगेको थियो । नेपालले विश्वकप छनोटका अवे खेलमा अष्ट्रेलियासंग प्रतिस्पर्धा गर्न लागेको हो ।
यसअघि नेपालले कुवेत र चाईनिज ताईपेसँग खेलेको थियो । कुवेतसँग सात शून्यले पराजित भएको नेपालले चाइनिज ताइपेइलाई दुई शून्यले पराजित गरेको थियो ।
यो पनि पढ्नुहोस्
