‘रियो छमछमी’ को फाईनलमा पुगिन्, मकवानपुरकी सन्ध्या

असोज २०, हेटौडा – मकवानपुरकी चेली सन्ध्या आचार्य ‘रियो छमछमी सिजन ४’ को फाईनलमा पुग्न सफल भएकी छिन् । उनी उत्कृष्ट ५ मा छनौट हुँदै फाईनलमा पुग्न सफल भएकी हुन् ।

फाईनलमा पुगे सँगै फाईनलमा पुर्याउने सहयोग गरेका सबैप्रति उनले सामाजिक सञ्जालमार्फत आभार प्रकट गरेकी छिन् । साथै आफुलाई विजेता बनाउनका लागि सहयोग गर्न पनि उनले आग्रह गरेकी छिन् ।

सन्ध्या सहित फाईनलमा पुगेका प्रतियोगीहरु तपाई पनि भोट गर्न सक्नुहुन्छ । उदाहरणका लागि सन्ध्यालाई भोट गर्न म्यासेज बक्समा CC लेखी एक स्पेस छोडेर उनको भोटिङ कोड ०८ टाईप गरी ३१००९ मा पठाउनुपर्ने छ ।

साथै नेपाल टेलिभिजनको मोबाईल एपबाट पनि भोट गर्न सकिन्छ । नेपाल टेलिभिजनबाट प्रसारण हुने मेगा डान्स रियालिटी शो ‘छमछमी’मा सन्ध्या मकवानपुरबाट एक मात्र दाबेदार हुन् ।