बागमती गाउँपालिकामा अध्यक्ष कप फुटबल प्रतियोगिता हुने
तामसालिङ खबर
असोज १७, ललितपुर – ललितपुरको बागमती खेलकूद विकास समिति र बागमती गाउँपालिकाको आर्थिक सहयोगमा हुने फुटबल प्रतियोगितामा गाउँपालिका भित्रका संस्था, वडाहरुबाट समूहगत रुपमा भाग लिनेछन् ।
प्रतिभावान खेलाडीहरूको खेल प्रतिभालाई उजागर स्वास्थ्यका लागि खेल, राष्ट्रको लागि खेल र बागमती पर्यटनको लागि खेल भन्ने नारा सहित पालिकालाई खेलकुदको नमुना पालिकाको रुपमा चिनाउने र विकास गर्ने उद्देश्यले यही असोज २९ देखि कार्तिक ६ गतेसम्म सम्म सन्चालन हुने आयोजकले जनाएको छ ।
प्युटारको खयरघारी खेल मैदानमा हुने प्रतियोगिताका प्रथम विजेताले १ लाख, दोस्रोले ५० हजार र सन्त्वाना दुई टिमलाई २०-२० हजार रुपैयाँ नगद सहित शिल्ड, मेडल र प्रमाणपत्र प्रदान गरिने आयोजकले जनाएको छ । प्रतियोगितामा सहभागी टिमले असोज २३ गते सम्म टिम दर्ता गरिसक्नुपर्ने संयोजक बुद्धराज नेगीले जानकारी दिए ।
यो पनि पढ्नुहोस्
